İkinci uşağına hamilə olan Türkiyənin məşhur aktrisası Fahriye Evcen həyat yoldaşı, aktyor Burak Özçivit və oğlu Karanla istirahətə yollanıb.
AZXEBER.COM oxu.az-a istinadən xəbər verir ki, Bodrumda yaxta ilə səyahət edən cütlük Yalıkavakdakı məkanlardan birində səhər yeməyi yeyib.
Bu zaman Karan bilmədən müştərinin əyləşdiyi masaya toxunub.
Narahat edildiyi üçün əsəbiləşən müştəri Karana "yavaş ol bir az, bu nədir?”, - deyə səsini yüksəldib.
Bunu eşidən Fahriye azyaşlı oğluna deyilənlərdən sonra hiddətlənərək, ayağa qalxıb.
"Etdiyiniz hərəkətə görə ayıb olsun. O, hələ uşaqdır”, - deyə Fahriye bildirib.
Əsəbini cilovlaya bilməyən müştəri "nə edim ki, uşaqdır?” ifadəsi ilə Evcenə sərt reaksiya verib.
Bundan sonra cütlük azyaşlı oğulları Karanı da götürərək restorandan uzaqlaşıb.
