Mövsümə böyük hədəflərlə başlayan "Fənərbaxça"da işlər heç də yolunda getmir.
AzxeberSport "Hürriyet"ə istinadən xəbər verir ki, son 7 turda qalibiyyət üzü görməyən sarı-lacivərdlilər son olaraq "Konyaspor"a məğlub olub.
İstanbul klubunun prezidenti Ali Koç matçdan sonra soyunub-geyinmə otağına gedərək futbolçulara qəzəblənib:
"Sizdən utanıram, meydanda demək olar ki, qaçmayan, oynamayan 11 adamsız".
Ali Koç keçiçi olaraq baş məşqçi postuna gələn Murat Gölə da iradını bildirib.
Futbolçu Jailson isə mediaya açıqlamasında deyib: "Çox çalışırıq, məşq zamanı çox yaxşı oluruq. Meydana çıxan kimi hər şey dəyişir. Qol vurmağa gücümüz çatmır".
