Veriliş zamanı “Avrovision” müsabiqəsinin milli seçim turlarının iştirakçısı olan hər iki xanım bu il “Avrovision”da İlhamə Qasımovanı dəstəklədiklərini söylədilər. Verilişin maraqlı məqamlarından biri də aparıcı Ruslan Ağayevin Röyanın “1 il keçdi” mahnısını təqdim edərkən yaşanıb. Mahnı Leyli xanımın sözləri kimi təqdim olunub. Bu Aygün İsmayılovanın qəti etirazına səbəb olub və o bildirib ki, mahnının sözləri özünə məxsusdur. Bundan sonra gənc müğənnilər İradio-nun canlı efirində eksklüziv mahnılarını təqdim ediblər. Nika sözləri özünə aid olan “I m alone “- adlı ingilis dilində mahnısını, Aygün isə sözləri Leyli xanıma, musiqisi isə İlhamə Adilqızına məxsus olan “Tanrım bildim” mahnısını ifa edib. Gənc ifaçılar gəlir yolunu tapa bilməməkdən də şikayətləniblər. “Özünüzə rəqib görürsünüzmü?” sualına Aygün “Sənin səviyyəndə ifaçı varsa, o sənə rəqibdir”- deyərək cavab verib. “Planet Parni iz Baku”nun aktrisası və “Susmuş Vicdan” serialının baş qəhrəmanlarından olan Nika isə qalmaqallardan uzaq gəzdiyini amma hər kəsin cavabını yerində verə biləcəyini söyləyib. Qeyd edək ki, Ruslan Ağayevin aparıcısı olduğu "9+1" verilişi hər həftənin şənbə günü İRADİO-nun canlı efirində yayımlanır.
