28 – 30 iyun 2013 –cü il tarixində “Gələcəyə Körpü” Gənclər İctimai Birliyi Gəncə şəhər Gənclər və İdman Baş İdarəsinin dəstəyi ilə Qəbələdə “English Language” adlı yay düşərgəsi təşkil edəcək.
Düşərgənin təşkil olunmasında əsas məqsəd gənclərin yay tətilini səmərəli keçirmələrini təşkil etmək, ingilis dili bacarıqlarını inkişaf etdirmək, həmçinin yerli, amerikalı və almaniyalı dostlar qazanmaq və onların təcrübəsindən yararlanmaqdır.
Düşərgə sonunda iştirakçılar ingilis dili bacarıqlarını inkişaf etdirərək, Avropa Birliyinin Gənclər Fəaliyyətdə (Youth in Action) proqramı üçün “Layihənin Yazılması” təlimində iştirak edib, öz beynəlxalq layihələrini həyata keçirə biləcək, həmçinin Avropada təşkil olunan Beynəlxalq Yay Düşərgəsində Ödənişsiz olaraq iştirak etmək şansı əldə edəcəklər.
Təlim qeyri formal təhsil formasında müzakirələr, debatlar, idman yarışları və məşğələlər şəklində Amerikalı və Almaniyadan olan mütəxəsislər keçəcəklər. Təlim zamanı isə beyin həmləsi, qrup müzakirələri, rol oyunları, təqdimatlar və s. kimi interaktiv me todlardan istifadə olunacaq Düşərgədə ümumilikdə 20 nəfər gənc qatılmaq şansı əldə edə biləcəkdir. Yay Düşərgəsi ümumilikdə 3 gün davam edəcək.
İştirakçıların seçimi ərizə qəbulu ilə keçiriləcək. İştirak etmək istəyən 14-35 yaşarası yeniyetmələr və gənclər [email protected]/* */ ünvanına müraciət etmələri mümkündür. Ətraflı məlumat üçün Birliyin rəsmi www.bf-az.org saytına daxil ola bilərsiniz.
Müraciət üçün son tarix 25 iyundur.
