Qış Universitetinin 3-cü gününün növbəti paneli Strateji Araşdırmalar Mərkəzinin xarici siyasət məsələlərinin təhlili şöbəsinin müdiri Rövşən İbrahimov və Qafqaz Universitetinin beynəlxalq hüquq kafedrasının müdiri Fərhad Mehdiyev tərəfindən: “Azərbaycanın xarici siyasətinin əsas istiqamətləri” mövzusunda aparılıb.

"İrəli"dən AZXEBER.COM verilən xəbərə görə, panel zamanı xarici siyasət anlayışının, həmçinin Cənubi Qafqaz regionu ölkələri arasındakı münasibətlərin iqtisadi, siyasi cəhətdən təhlili aparılıb, Azərbaycanın lokal və qlobal miqyasda yeri və rolundan danışılıb.

Görüş iştirakçıların sualları ilə davam edib. Sonda ekspertlərlə xatirə fotosu çəkdirilib. Qış universitetinin 3-cü gününün sonuncu qonağı Azərbaycan Respublikası Prezidentinin Administrasiyasının Siyasi təhlil və informasiya təminatı şöbəsinin sektor müdiri Fərhad Məmmədov olub. Panel “Azərbaycançılıq ideologiyası müasir şəraitdə” mövzusunda baş tutub.

Ekspert söhbətə bütün ölkələri narahat edən milli-etnik məsələlərlə bağlı ziddiyyətlər barədə danışaraq başlayıb, ölkədə Azərbaycançılıq ideologiyasının yaranması ilə bu ziddiyyətlərin aradan qalxdığını bildirib. Azərbaycançılıq ideologiyasının formalaşdığı dövrdə fikir təkamülləri haqda məlumat verərək panislamizm, pantürkizm, dövlətin yaranması mərhələlərini ətraflı təhlil edib. Qonaq cəmiyyəti bölmək üçün ən yaxşı halın etnik münasibətləri ortaya qoymaq olduğunu bildirib, bunun üçün etnik məsələləri ikinci planda saxlayaraq vətəndaşlığın qabardılmasını düzgün hal olaraq qiymətləndiribvə buna nail olan ölkəyə misal olaraq ABŞ-ı göstərib.

Fərhad Məmmədov milli ideologiyanın elastikliyindən danışaraq qeyd edib: “Azərbaycançılıq ideologiyası elastikdir. Yəni bu ideologiyanın özündə o qədər potensial var ki, nə vaxtsa burada yaşayan bütün insanları yenidən birləşdirə bilər. Bu ideologiya birliyə xidmət edir.”

İştirakçıları maraqlandıran inteqrasiyanın, inkişafın adətlərimizə təsiri ilə bağlı sualları cavablandıraraq xaricdən olan təsir bizim adət-ənənələrdə texnoloji yeniliklərə, təfəkürümüzün inkişafına səbəb ola bildiyini, lakin bunun heç də adətləri unutmaq olmadığını deyibvə gənclərə dəyişiklikdən, inkişafdan qorxmamağı tövsiyyə edib.

Görüş diskussiya şəklində davam etmişdir.