“İRƏLİ” İctimai Birliyi və Azərbaycan Sığortaçılar Assosiasiyasının təşkilatçılığı və Azərbaycan Respublikası Maliyyə Nazirliyi, Azərbaycan Respublikası Gənclər və İdman Nazirliyi, Gəncə şəhər İcra Hakimiyyətinin dəstəyi ilə 3-8 fevral tarixlərində Gəncə şəhərində "Gənc Liderlər üçün Qış Universiteti - Sığortalı Gənclik" layihəsinin seçim turunun I mərhələsi başa çatıb. Layihəyə 1000-ə yaxın müraciət daxil olub.
Müraciətlər layihənin təşkilat komitəsi tərəfindən dəyərləndirilib və ən yaxşı 200 nəfər müsahibəyə dəvət olunub. Müsahibə mərhələsi 22-24 yanvar 2013-cü il tarixləri arasında “İRƏLİ” Gənclik Mərkəzində keçiriləcək.
Seçim turunun nəticələri yaxın vaxtda “İRƏLİ” İctimai Birliyinin rəsmi saytında açıqlanacaq.
Qeyd edək ki, layihə Azərbaycanın müxtəlif bölgələrini təmsil edən 100 gənc lideri bir araya gətirəcək. 6 gün davam edəcək layihə müddətində gənclər iqtisadiyyat, maliyyə, sığorta, eyni zamanda gəncləri əhatə edən müxtəlif mövzular üzrə ölkənin ən aparıcı ekspertləri ilə ünsiyyətdə və fikir mübadiləsində olmaq imkanı əldə edəcəklər. Eyni zamanda 5 komandaya bölünən iştirakçılar layihə müddətində fəal iştirak üçün biri-biriləri ilə yarışacaqlar
