26 iyun Azərbaycan Milli Ordusunun Yaranması günü münasibətilə Gənclər üçün Təhsil Mərkəzi Gəncə Regional Ofisi və Kəpəz Dağçılıq Klubunun təşəbbüsü ilə "Addım, addım Yüksəl " layihəsi çərçivəsində “Region gəncləri arasında I Climbing Festival” keçirilib.
AZXEBER.COM xəbər verir ki, festivalın keçirilməsində əsas məqsəd gənclərdə mənəvi vətənpərvərlik hisslərinin yüksəldilməsi və alpinizm idman növünə marağın artırılması idi. Ekstrimal sevən gənclər üçün festival 29 iyun 2014-cü il tarixdə Daşkəsən –Xoşbulaq yaylağında təşkil olunmuşdur. Tədbirdə gənclərə Azərbaycan Milli Ordusunun yaradılması, tarixi və ordumuzun gücü barəsində məlumat verilib. Xoşbulaqda təşkil olunmuş Festivalı Gənclər üçün Təhsil Mərkəzi - Gəncə Regional ofisinin Rəhbəri Aygün Həsənzadə açıq elan edərək, Qərb regionu gəncləri ilk Climbing Festivalı və Silahlı Qüvvüələr günü münbasibətilə təbrik etmiş və ekstrimal idman növləri üzrə təhsil və maarifləndirici tədbirlərin silsilə şəkildə təşkil edəcəklərini vurğulamışdır. Sonra Daşkəsən Gənclər və İdman İdarəsinin Müdiri Hesenov Samir Daşkəsən qayalıqlarında gənclərin ekstrimal idman növü üzrə tədbirlərdə hər zaman dəstək olacaqlarını söyləmiş və gənclərə uğurlar arzulamışdır. "Gənc Dost" GİB-in gənc rəhbəri Nərmin Hüseynova isə təşkilatlarda fəaliyyət göstərən gənc üzvlərin ekstmail idman növlərinə çox maraqlarının olduğunu və yeni idayalarının olduğunu da qeyd etdi. Tədbirin təlim hissəsində Kəpəz Dağçılıq Klubunun Rəhbəri alpinist-təlimçi Orxan Emirxanov iştirakçılara alpinizm idman növü haqqında məlumatlandırmış və qayadan eniş haqqında tövsiyyələr verilmişdir.Təlimin digər həkim ekspe Pendik Ana Okulunun Rəhbəri Aynura Abdullayeva isə gənclərdə qorxu, həyacan, fobiya və digər neqativ hisslərin dəf edilməsi istiqamətində maarifləndirmə işi aparılmışdır. Təlimin sonunda gənclər yüksək qayalığa qalxma və yüksək qayadan eniş etmişlər. Festivalda Samux, Daşkəsən, Göygöl rayonları və Gəncə şəhərində yaşayan gənclərdən ibarət 25 nəfər iştirakçı iştirak etmişdir. Festival Daşkəsən Gənclər və İdman İdarəsi, Fairex Hava və Ekstrimal İdman növləri Fedarasiyası, "Gənc Dost" GİB, Pendik Ana Okulu (Gəncə) texniki dəstəyi ilə həyata keçirilmişdir.
