Gəncədə taksi sürücüsü pul üstündə qətl törədib.
Gəncə şəhər Baş polis İdarəsindən APA-nın qərb bürosuna verilən məlumata görə, hadisə gecə saatlarında şəhərin Muxtar Hacıyev küçəsində baş verib.
29 yaşlı şəhər sakini, taksi sürücüsü Elxan Kərimov 36 yaşlı Anar Babayevin baş nahiyəsinə dəmir alətlə zərbə endirib. Ağır vəziyyətdə Gəncə şəhər Təcili Tibbi Yardım Xəstəxanasına yerləşdirilən A. Babayev bu gün səhər saatlarında ölüb.
E.Kərimov bildirib ki, A.Babayevi ona pul borclu olduğuna görə vurub.
Faktla bağlı Gəncə şəhər prokurorluğunda cinayət işi açılıb, istintaq aparılır.
