AZXEBER.COM xəbər verir ki, layihənin son  qonağı qhtxeber.az xəbər portalının baş redaktoru , NLP ustası Sənan Nəcəfov  görüş zamanı tədbir iştirakçılarına "Bədən dili” və "İlk dəqiqədə özünü təqdimat bacarığı” mövzusunda təlim proqramını tədris etdi. Qonaq həmçinin gənclərin fərd olaraq şəxsi  inkişafı , onların ictimai mühitdə faydalılığını təmin etmək , maarifçilik ideyalarınının təbliğ olunması haqqında  müzakirə aparmışdır.

"Maarifçilik məktəbi” –nin bağlanış mərasimində çıxış edən Mərkəzin icraçı direktoru Fəxrəddin Həsənzadə qeyd etdi ki , Bu gün Mərkəz olaraq Azərbaycan cəmiyyətinə 45 aydın məzunumuzu töhfə vermək gənclər təşkilatı olaraq bizlər üçün olduqca qürurludur. Əminəm ki , gənclərimiz maarifçilik idealogiyasın təbliğ olunması istiqamətində olan uzun vətəndaş cəmiyyəti yolumuzda bizlərə yol yoldaşı olacaqlar. 

Daha sonra məktəbi uğurla yekunlaşdıran iştirakçılar diplom ilə təltif olunmuşdur.

Qeyd edək ki , "Maarifçilik məktəbi” proqramının davamı olaraq 25 dekabr 2018-ci il tarixində   Gənclər üçün Təhsil Mərkəzinin təşkilatçılığı ilə Quba rayonunda  Azərbaycan Gənclərinin Maarifçilik Forumu keçiriləcəkdir.