“Gənclər və Dəyərlər “ İctimai Birliyi Azərbaycanda Vətəndaş cəmiyyətinin inkişafı prosesinə gənclərin cəlb edilməsi, milli və dövlətçilik maraqlarının ,eyni zamanda insan hüqüqları və demokratik dəyərlərin təbliğində, həmçinin könüllülük və vətənpərvərlik sahəsində gənclərin fəaliyyətini dəstəkləmək,milli və mənəvi dəyərlərə əsaslanan müasir gənclərin formalaşması sahəsində fəaliyyət göstərməkdədir . Əsas məqsədimiz yuxarda qeyd etdiyimiz prinsiplər əsasında Azərbaycan Vətəndaş cəmiyyətinin inkişaf istiqamətinə dəstək vermək və bu istiqamətdə fəaliyyətdir .
“Gənclər və Dəyərlər “ İctimai Birliyinin mətbuat xidmətindən AZXEBER.COM-a verilən məlumata görə, insan hüquqları , bərabərlik , hümanizim , tolerantlıq , söz , fikir , media azadlığı kimi demokratik dəyərlərdən danışıldığı zaman örnək göstərilən Fransa dövləti bugün apardığı siyasətlə əslində heç də bu dəyərlərə əsaslanmadığını göstərmiş oldu . Qondarma “ erməni soyqırımı ”nı inkar edənlərin cəzalandırılmasını nəzərdə tutan qanun layihəsininqəbul etməklə , “ bu bir qərəz deyil tarixin acıları ilə üzləşməliyik , cətində olsa ” deyən “ ədalətli “ Fransa höküməti Əlcəzayir Soyqırmı və ya Ruandada törətmiş olduqları qətliamla bağlı həqiqətlərlə də üzləşməli olduqlarının fərqində olmalıdırlar.
Türkiyə rəhbərliyinin "gəlin tarixi birlikdə araşdıraq , bütün arxivlərimiz açıqdır " çağırışına baxmayaraq , nəinki məhkəmə , heç ciddi arxiv araşdırması olmadan belə bir qanunun qəbulu böyük tarixi ədalətsizlik və saxtakarlıqla yanaşı , beynəlxalq hüquq normalarının tələblərinin , söz və ifadə azadlığı kimi dəyərlərin pozulması deməkdir . Fransa atdığı bu riyakar siyasi addımla tarixinin ən şərəfsiz səhifələrindən birini yazmaqla bərabər , demokratiyanın təbliğatçısı kimi tanınan bir ölkə olaraq beynəlxalq nüfuzuna da çox ciddi zərbə vurdu .
Bu qanun Türkiyə timsalında bütün Türk dünyasının , vətəndaşlığından asılı olmayaraq hər bir Türkün şərəf və ləyaqətinə təhqirdir . Azərbaycan gəncliyi olaraq türk kimliyini təhqir eden belə bir qanunun qəbulundan sonra, Fransanın Minsk qrupunda həmsədr kimi vəzifəsinin icrasına davam etməsi Qarabağ sorununun həllini Ermənistana həvalə etmək anlamına gəldiyini , eyni zamanda Fransanın ATƏT-in Minsk qrupunda həmsədr kimi fəaliyyətinə xitam verilməsi istiqamətində addımlar atılmasının vacib və təxirə salınmaz olduğu qənaətindəyik . Həmçinin Fransa ilə Ölkəmiz arasında olan diplomatik əlaqələrə yenidən baxılmalı , mövcud vəziyyətə görə təftiş edilməlidir .
