Rusiya Federasiyasının Soçi şəhərində Avropa Olimpiya Komitəsinin 40-cı Baş Assambleyasına start veriləcək. Gənclər və idman naziri Azad Rəhimov və Milli Olimpiya Komitəsinin vitse-prezidenti Çingiz Hüseynzadə də assambleyanın rəsmi qonaqları sırasındadır. Azərbaycan Gənclər və İdman Nazirliyinin mətbuat xidmətindən AZXEBER.COM-a verilən məlumata görə, bu gün öz işinə başlayacaq assambleya 24 noyabr tarixinədək davam edəcək.Gənclər və idman naziri Azad Rəhimovun Soçiyə səfəri 24 noyabr tarixində başa çatacaq. Milli Olimpiya Komitəsinin vitse-prezidenti Çingiz Hüseynzadə 25 noyabr tarixində Moskva şəhərinə yola düşərək Rusiya Olimpiya Komitəsinin 100 illik yubileyinə həsr olunmuş gecədə iştirak edəcək, ölkə başçısı, Milli Olimpiya Komitəsinin prezidenti İlham Əliyevin təbriklərini çatdıracaq. Çingiz Hüseynzadə 2014-cü il Soçi Qış Olimpiya oyunlarının keçiriləcəyi məkana da səfər edəcək.
