Gənclər və İdman Nazirliyinin təşkil etdiyi tədbir start götürüb.
Nazirliyin mətbuat xidmətindən AZXEBER.COM-a daxil olan məlumata görə, bu gündən etibarən avqustun dən 13-dək Yunanıstanın Olimpiya şəhərində, Beynəlxalq Olimpiya Akademiyasında Azərbaycandan olan gənc məşqçi-müəllimlər, fəal gənclər və könüllülər üçün Olimpiya Yay Məktəbində iştirak edəcəklər.
Bu məqsədlə artıq Azərbaycan Dövlət Bədən Tərbiyəsi və İdman Akademiyasının, Respublika Olimpiya İdman Liseyinin, Uşaq-Gənclər İdman Məktəblərinin məşqçi-müəllimləri, tələbə-gənclər təşkilatlarının fəal üzvləri arasında seçim aparılıb, ingilis və rus dillərini bilən namizədlərin siyahısı Beynəlxalq Olimpiya Akademiyasına təqdim olunaraq iştirakçılar təyin edilib. Razılığa əsasən, tədbir zamanı mühazirələr və müzakirələr ingilis və rus dillərində aparılacaq. AZXEBER.COM-un Azərbaycan Respublikası Gənclər və İdman Nazirliyinin rəsmi saytına istinadən verdiyi xəbərdə göstərilir ki, Beynəlxalq Olimpiya Akademiyası tərəfindən Olimpiya Yay Məktəbində iştirak etmək üçün 40 nəfərə dəvət göndərilərilib. Artıq iştirakçılar dünən Bakıdan Afinaya yola düşüblər. Səfər müddətində Beynəlxalq Olimpiya Akademiyasının prezidenti cənab İsidoros Kouvelos, direktoru Dionissis Qanqas, beynəlxalq şöbənin rəhbəri Antonia Borbatislou və digər rəsmi şəxslərlə görüşlər nəzərdə tutulub. Qeyd edək ki, səfərdə bundan başqa müxtəlif ölkələrin tanınmış universitetlərindən mühazirəçi kimi dəvət olunmuş professor-müəllim heyəti ilə də görüşlər olacaq.
