Dörd gün ərzində 8 dəst medal öz sahibini tapıb.
Azərbaycan yığması yarışa qatılan bütün rəqiblərini qabaqlayaraq, Avropa Oyunlarının ən yaxşısı adına yiyələnib. Hesabında 3 qızıl, 1 gümüş və 1 bürünc olan taekvondo millimiz mükafat qazanan 13 ölkə arasında ən yaxşı nəticə göstərib.
Qeyd edək ki, taekvondoçularımızdan Ayxan Tağızadə (68 kq), Milad Beiqi Harçeqani (80 kq) və Radik İsayev (+80 kq) Avropa Oyunlarında qızıl, Fəridə Əzizova (67 kq) gümüş, Patimat Abakarova isə (49 kq) bürünc qazanıb.
Qeyd edək ki, siyahıda ikinci Böyük Britaniya millisi, üçüncü isə Rusiyadır.
