Bu gün XXX London Yay Olimpiadasında güləş yarışlarına start veriləcək.
AZXEBER.COM-un məlumatına görə, ilk olaraq yunan-Roma güləşçiləri mübarizəyə qoşulacaqlar.
Azərbaycan güləşçilərindən Rövşən Bayramov (55 kq) və Emin Əhmədov (74 kq) qüvvəsini sınayacaqlar.
Mübarizəyə 1/16 finaldan başlayacaq Rövşən Bayramov bu mərhələdə rusiyalı Minqiyan Semenovla qarşılaşacaq. Həmin görüş Bakı vaxtı ilə saat 16:00-da başlayacaq.
Digər təmsilçimiz Emin Əhmədov isə mübarizəyə 1/8 finaldan qoşulacaq. İlk mərhələdən azad olan E.Əhmədov İslam Tolba (Misir) – Neven Zugaj (Xorvatiya) cütünün qalibi ilə üz-üzə gələcək. Bu döyüşə isə Bakı vaxtı ilə saat 17:00-da start veriləcək.
Qeyd edək ki, millimiz London olimpiadasında 5 güləşçi ilə təmsil olunur.
