Gültəkin Hacıbəylinin oğluyla bağlı yalanı üzə çıxdı
Bütün Xəbərlər
10:01 05.07.2013
1586
Milli Şuranın üzvü, sabiq deputat Gültəkin Hacıbəyli bu gün sensasion bəyanatla çıxış edib. G.Hacıbəylinin sözlərinə görə, Nəsimi Rayon Məhkəməsi bu gün onun keçmiş əri Mahmud Mehdiyevin atalıq hüququnun bərpa edilməsi ilə bağlı qərar çıxarıb. Guya bu qərara görə, G.Hacıbəylinin 9 yaşlı oğlu Toğrul öz atası M.Mehdiyevin himayəsinə verilib.Amma bu gün məlum olub ki, G.Hacıbəyli ictimaiyyəti aldadıb. Belə ki, M.Mehdiyev Virtualaz.org-a açıqlamasında keçmiş həyat yoldaşının bu bəyanatını çirkin yalan adlandırıb.“Məhkəmə uşağın mənim himayəmə verilməsi ilə bağlı qərar çıxarmayıb. Məhkəmə yalnız belə qərar verib ki, mənim öz doğma oğlumla hər gün saat 16:00-dan saat 21:00-a qədər görüşə bilməyim təmin olunsun. Oğlum yalnız bazar günləri mənim yanımda qalacaq. Burada qeyri-qanuni nə var ki?! Məgər mənim öz doğma balamla görüşmək hüququm yoxdurmu? Atanın öz doğma övladı ilə gündə heç olmasa bircə dəfə görüşmək haqqı nə vaxtdan yasaq edilib? Gültəkin Hacıbəyli bu məsələni niyə siyasiləşdirir? Gültəkin Hacıbəylinin “uşaq atasının kim olduğunu bilmir” sözlərinə gəlincə isə ona ayıb olsun. Uşaq mənim haqqımda gec-tez hər şeyi biləcək. Gültəkin Hacıbəyli öz deputat statusundan və əlindəki hakimiyyətdən istifadə edib uşağımı məndən gizlətmək hüququna malik idimi? İndi mən öz oğlumla tanış olmaq, onu gündə heç olmasa bir dəfə görmək hüququnu əldə etmişəm”, - deyə M.Mehdiyev bildirib.
