"Mən əsla ayrı-seçkilik etmirəm. Türkiyə də mənım vətənimdir və yarı türk olaraq burada yaşamaqdan qürur duyuram. Amma məmləkətimə qarşı hər hansı bir hörmətlizlik məni üzər". Bu sözlər Türkiyədə yaşayıb, fəaliyyət göstərən azərbaycanlı model Günay Musayevaya məxsusdur. AZXEBER.COM-un məlumatına görə, dünya şöhrətli modelimiz türk sənətçisi Bülent Ersoyun azərbaycanlı jurnalistə qarşı hörmətsiz münasibətindən keçirdiyi təəssüf hisslərini özünün "Twitter" səhifəsində yazıb. "Bülənt Ersoy azərbaycanlı jurnalistin çox məsumca istəyinə həqarətlə cavab verib. Ümid edirəm ki, bu səhvini ən qısa zamanda üzr diləyərək düzəldər. Çünki, Azərbaycanda Türkiyə telekanallarını, mətbuatını və türk sənətçilərini sevərək izləyirlər. Bu sevgi qarşısında azacıq hörmət göstərsələr kafidir". Xatırladaq ki, Bülent Ersoy ötən həftəsonu verdiyi konsertdən sonra Azərbaycan telekanallarından birinin əməkdaşının "Azərbaycana bir salam göndərirəm” deyə bilərsinizmi?" istəyinə, "Nə deyəcəyimi səndən soruşacammı?", deyə kobud cavab vermişdi. Qeyd edək ki, Günay Musayeva 29 avqust 2011-ci ildən məşhur türk aktyoru Tolqa Karellə evlidir. Bu ilin 18 mayında məşhur cütlüyün Cahangir Can adlı oğullarını dünyaya gəlib.
