“Göyçay İnkişaf Mərkəzi” (GİM) Almaniya Texniki Əməkdaşlıq Cəmiyyətinin (GİZ) dəstəyi ilə Göyçayda “Şəxsi inkişaf- gələcək uğurun zəmanəti kimi” adlı layihəsini həyata keçirəcək.
AZXEBER.COM-un məlumatına görə, layihənin məqsədi Göyçay rayonunda seçilmiş 30 nəfər gəncin məşğulluq probleminin həll olunmasına yardım göstərmək, peşə təhsilli mütəxəssislərin formalaşmasına və onların sosial-istisadi inkişafına dəstək üçün təlimər təşkil etməkdir. Layihə gənclərin işsizlik probleminin həll olunması, onların peşə bacarıqlarının artırılmasını və məşğulluğunun təmin olunması ilə bağlı fəaliyyətləri nəzərdə tutur.
Pilot layihənin icrası 2 ay müddətində nəzərdə tutulub və 2 komponentdən ibarətdir. “Şəxsi İnkişaf” və Kənd təsərrüfatı sahəsində peşə təhsili təlimləri. Layihə çərçivəsində dövlət kənd təsərrüfatı peşə təhsili islahatına uyğun olaraq “Bağçılıq üzrə menecer” adlı vəsait yaradılacaq və seçilmiş gənclərə peşəkar ekspertlər tərəfindən tədris ediləcəkdi.
Layihənin sonuncu mərhələsində gənclərin təlimlərdə əldə etdikləri bilik və təcrübələri bölüşmək üçün GİM Göyçay rayonunda fəaliyyət göstərən 2 istehsal müəssisəsinə və Peşə litseyinə öyrənmə səfərləri təşkil edəcək. Sonda təlimlərdə aktiv iştirak etmiş gənclərin işlə təmin olunmaları üçün müəyyən işlər aparılacaq və onlara sertifikatlar veriləcəkdi.
