Xəbərdə qeyd edilir ki, Fazil Mustafa “facebook” səhifəsində Bakı şəhəri İcra Hakimiyyətinin Başçısı Hacıbala Abutalıbova məktub göndərdiyini yazıb. O icra başçısından Rafael və Coşqunun reklamlarının şəhərdən yığışdırılmasını xahiş edib.
Məktub ünvana çatmadan artıq hər kəs sosial şəbəkələrdə bu mövzunu müzakirə edir. Müasir Müsavat Partiyasının başqanı Hafiz Hacıyev son hadisələrlə bağlı AZXEBER.COM-un suallarını cavablandırıb. H.Hacıyev Rafael və Coşqunun istedadlı insanlar olduğunu qeyd edib:
“Mən Fazil Mustafanın fikirləri ilə razı deyiləm. Bu incəsənətdi və adıçəkilən aktyorları Azərbaycanda hamı sevir. Burada qəbahət heç bir şey yoxdur. Fazil bəy indi niyə belə edir görəsən? Fazil Mustafa o vaxtı müdafiə etdiyi cinsi azlığın nümayəndəsi Kərimov Əlini niyə müdafiə edirdi bəs? Əgər onlar öz istedadları ilə xalqın sevgisini qazanıblarsa, onlara hörmət etmək lazımdır. Fazil bəyin bu yanaşmasını mən ümumiyyətlə qəbul etmirəm. Yaxşı olardı ki, o bu gün Azərbaycan dövlətçiliyini təhlükə altına alan qüvvələrdən danışsın”.
Əfsələddin Ağalarov
