Aeroportda baş verən yanğın bəzi reyslərin gecikməsinə səbəb olub.
Bu səhər Moskvanın"Domodedovo" hava limanında güclü tüstülənmə səbəbindən təxminən 3 min insan təxliyyə olunub. Yanğın ocağı binanın alt mərtəbəsində baqaj bölməsində təxminən 15 kvadrat metr ərazini əhatə edib və hazırda söndürülüb. İlkin məlumatlara görə, yanğın aeroportun aşağı mərtəbəsində tikinti işlərinin gedişi zamanı baş verib. Elektrik avadanlığının nasazlığı alışmanın yaranmağına səbəb olub. "Domodedovo" - Moskvanın üç böyük ən böyük hava limanlarından biridir. Bu ilin yanvar-iyul ərzində aeroport 17,41 milyon insana xidmət edib. Hadisənin baş verdiyi vaxt İrkutsdan bir neçə təyyarə yerə enməli olub. Lakin fövqəladə vəziyyətə görə, onların enməsi bir neçə saat saxlanılıb. U6106reysi bir saat gecikir, daha iki təyyarədə səmada enmə xəbərini gözləyir. Onların enməsi də, çox güman ki, tüstünün tamamilə yox olmasından sonra mümükün olacaq.
