Hazırda Bakıda olan Türkan Şorayın səhhəti pisləşdi
MAQAZİN
09:41 27.11.2012
2389
Bakıda keçirilən İstedadlı və yaradıcı gənclərin II Respublika Toplantısına qatılan türkiyəli aktrisa Türkan Şorayın səhhətində problem yaranıb.AZXEBER.COM-un verdiyi xəbərə görə, bu haqda məlumat Gənclər və İdman Nazirliyinin mətbuat xidmətindən daxil olub.Ünlü sənətçi noyabrın 27-də saat 12.00-da “Mariot Abşeron” mehmanxanasında jurnalistlər üçün mətbuat konfransı keçirməliydi. Nazirlik əvvəlcə bütün media nümayəndələrini konfransa dəvət də edib. Lakin noyabrın 26-da gecə saatlarında nazirliyinin mətbuat xidməti tədbirin təxirə salınması ilə bağlı məlumat yayıb.Qeyd edək ki, Türkan Şorayın şəhərimizə səfərinin məqsədi noyabrın 26-dan 30-dək Bakıda keçirilən İstedadlı və yaradıcı gənclərin II Respublika Toplantısına qatılmaqdır.Gənclər və İdman Nazirliyinin təşkilatçılığı ilə baş tutan toplantı çərçivəsində Bakıya gələn aktrisanın iştirakı ilə kino sənəti sahəsində ustad dərsləri də təşkil olunub. Dərslər zamanı gənclərlə görüşən T.Şoray onlara aktyorluq sənətinin sirlərini və özünün professional biliklərini paylaşıb.
