Bəzi insanlar başqalarının heç əhəmiyyət vermədiyi bir cümləni, mesajı və ya qərarı saatlarla düşünür. "Görəsən, belə desəydim necə olardı?”, "Bəlkə başqa cür qərar verməli idim?” kimi suallar onların zehnində uzun müddət dolaşa bilir.
Astroloji yanaşmaya görə, bəzi bürclər həddindən artıq düşünməyə, detallara ilişməyə və qərarları dəfələrlə analiz etməyə daha meyllidir. Onlar üçün adi görünən bir məsələ belə uzunmüddətli düşüncə prosesinə çevrilə bilər.
Əkizlər – Hər ehtimalı nəzərdən keçirirlər
Əkizlər sürətli və daim aktiv olan zehinləri ilə seçilirlər. Onlar baş verən hadisəyə yalnız bir tərəfdən baxmır, mümkün olan bütün variantları düşünməyə çalışırlar.
Ətrafdakı insanların nə düşündüyünü anlamaq, daha çox məlumat toplamaq və müxtəlif ehtimalları müqayisə etmək onların üçün olduqca vacibdir. Hətta sadə bir qərar qarşısında belə seçimlər arasında uzun müddət tərəddüd edə bilərlər.
Üstəlik, keçmişdə etdikləri söhbətləri sonradan yenidən xatırlayaraq "kaş bunu belə deyəydim” deyə düşünmələri də mümkündür.
Qız – Ən kiçik detal belə gözdən qaçmır
Qız bürcü detallara olan diqqəti ilə tanınır. Başqalarının fərq etmədiyi xırda nüansları belə görə bilirlər. Hər şeyi düzgün və qüsursuz etmək istəkləri isə onları daim düşünməyə vadar edir.
Onlar mümkün səhvləri əvvəlcədən hesablamağa çalışır, hətta kiçik bir problemi belə gözlərində böyüdə bilirlər. İşlər qaydasında getsə belə, "görəsən, nəyisə gözdən qaçırmışam?” sualı onları rahat buraxmaya bilər.
Bu səbəbdən Qızlar bəzən özlərinə qarşı həddindən artıq tələbkar və tənqidi davranırlar.
Tərəzi – Qərar vermək onlar üçün asan deyil
Hər şeyi ölçüb-biçmədən qərar vermir.Qərar verərkən bütün tərəfləri nəzərə almaq istəyən Tərəzi heç bir variantı gözdən qaçırmaq istəmir. Həm düzgün seçim etmək, həm də heç kimi incitməmək üçün eyni məsələni müxtəlif tərəflərdən dəfələrlə analiz edə bilir.Tərəzilər qərar verdikdən sonra belə digər variantın daha yaxşı olub-olmadığını düşünə bilirlər. Seçimlərin müsbət və mənfi tərəflərini davamlı müqayisə etmələri hətta sadə məsələlərdə belə qərarsız qalmalarına və zehinlərini lazım olduğundan daha çox yormasına səbəb ola bilər.
Dolça – Gələcəyi indidən düşünür
Dolça bürcü yalnız hazırkı vəziyyəti deyil, gələcəkdə baş verə biləcək hadisələri də nəzərə alır. Verdiyi qərarın aylar sonra hansı nəticələrə səbəb ola biləcəyini düşünərkən bir-birinin ardınca müxtəlif ehtimallar qurmağa başlayır.
Kənardan sakit və rahat görünsə də, Dolçanın zehnində daim yeni fikirlər, ssenarilər və həll yolları dolaşa bilər. Hələ baş verməmiş hadisələri əvvəlcədən anlamağa çalışması isə zaman-zaman öz düşüncələri arasında itib qalmasına səbəb ola bilər.
/Demokrat.az
