ABŞ-də aparılan araşdırmalar həyat yoldaşını eyni zamanda ən yaxın dostu hesab edən insanların münasibətlərində daha yüksək məmnunluq və xoşbəxtlik yaşadığını ortaya qoyub.
AZXEBER.COM xəbər verir ki, tədqiqatlara görə, həyat yoldaşını ən yaxın dostu kimi görən şəxslərin evlilikdən əldə etdiyi xoşbəxtlik səviyyəsi digər insanlarla müqayisədə təxminən iki dəfə yüksəkdir.
Mövzu ilə bağlı aparılan digər araşdırmalar da oxşar nəticələr göstərib. Colorado Dövlət Universitetinin 2025 və 2026-cı illərdə paylaşdığı tədqiqatlarda partnyorunu həm də dostu və ya ən yaxın dostu hesab edən şəxslərin münasibətlərində daha çox yaxınlıq, bağlılıq və ümumi münasibət məmnunluğu yaşadığı müəyyən edilib.
Mütəxəssislər hesab edirlər ki, romantik münasibətlə yanaşı güclü dostluq bağlarının mövcudluğu tərəflər arasında etimadı artırır, ünsiyyəti gücləndirir və münasibətlərin daha uzunömürlü olmasına töhfə verir.
Aysel
