Bakı şəhər Gənclər və İdman Baş İdarəsi tərəfindən Gəncliyə Yardım Fondunda Ümummilli Lider Heydər Əliyevin 93-cü ildönümünə həsr olunmuş konfrans və Bakı şəhər orta məktəblərinin şagirdləri arasında “Heydər Əliyev və Müstəqil Azərbaycan” mövzusunda konfrans və inşa yazı müsabiqəsinin mükafatlandırma mərasimi keçirilib.
AZXEBER.COM xəbər verir ki, tədbrdə Bakı şəhər Gənclər və İdman Baş İdarəsinin rəisi Raqif Abbasov, Azərbaycan Respublikasının Prezidenti Administrasiyası ictimai-siyasi məsələlər şöbəsinin gənclər təşkilatları ilə iş sektorunun məsul işçisi Rahu Qurbanova, Gəncliyə Yardım Fondunun prezidenti Ahmed Teçim, Tələbə Gənclər Təşkilatlarının nümayəndələri, şagirdlər, valideyn və müəllimlər iştirak ediblər.
Tədbir açıq elan olunduqdan sonra toplantı iştirakçıları tərəfindən Azərbaycan Dövlət himni canlı olaraq səslənib. Ümummilli Lider Heydər Əliyevin həyat və fəaliyyətindən bəhs edən video rolik tədbir iştirakçılarına göstərilib.
Tədbiri giriş sözü ilə açan Gəncliyə Yardım Fondunun prezidenti Ahmed Teçim Ümummilli lider Heydər Əliyevin Vətən və xalq qarşısındakı misilsiz tarixi xidmətlərindən danışıb.
Azərbaycan Respublikasının Prezidenti Administrasiyası ictimai-siyasi məsələlər şöbəsinin gənclər təşkilatları ilə iş sektorunun məsul işçisi Rahu Qurbanova müsabiqənin keçirilməsinin əhəmiyyətini yüksək dəyərləndirib. Rahu Qurbanova müstəqil Azərbaycan dövlətinin banisinin zəngin irsinin, ideyalarının böyüməkdə olan gənc nəsil tərəfindən öyrənilməsinin onlarda dövlətçilik təfəkkürünün və baxışlarının formalaşmasına müsbət təsir göstərdiyini qeyd edib.
Baş İdarənin rəisi Raqif Abbasov müstəqil Azərbaycan dövlətinin qurucusu Heydər Əliyevin həyat və fəaliyyətinin öyrənilməsi baxımından inşa yazı müsabiqəsinin əhəmiyyətindən söhbət açıb, bunun Ümummilli Liderə ehtiramın bariz nümunəsi olduğunu nəzərə çatdırıb və çıxışının sonunda müsabiqənin təşkilində əməyi olan hər kəsə təşəkkürünü bildirib və iştirakçılara uğurlar arzulayıb.
Sonda “ Heydər Əliyev və Müstəqil Azərbaycan ” mövzusunda keçirilən inşa yazı müsabiqəsində I, II, III və fərqlənmiş şagirdlər Baş İdarə tərəfindən müvafiq dərəcəli diplomlar və xatirə hədiyyələri təltif olundular. Nəticələrə görə I yerə Firəvan Əlizadə (Səbail rayonu 7 saylı orta məktəb), II yerə Zərnigar Nəbiyeva (Nərimanov rayonu Humanitar lisey), III yerə isə Aysel Tahirova (Suraxanı rayonu 327 saylı orta məktəb) layiq görülüblər.
