`Həyəcandan özümü itirdim, halım pisləşdi`- Çunayevin anası
İDMAN
23:56 17.08.2016
3733
“Oğlum yarışa çıxanda stress, həyacan keçirdim. Həyəcandan yerə-göyə sığmırdım. Rəsulu olimpiadaya yola salanda dedim ki, sənin qələbə qazanacağına inanıram və sonu necə olsa da biz həmişə yanındayıq. Rəsuldan qızıl medal gözləyirdik”Bunu AzVision.az-a Rio-2016-da Azərbaycana bürünc medal qazandıran güləşçi Rəsul Çunayevin anası Ayzanə Çunayeva deyib. Onun sözlərinə görə, Rəsul Çunayev Rioya qızıl medal qazanmaq arzusu ilə getmişdi.“Rəsul qızıl medal arzulayırdı. Deyirdi ki, mən ora qızıl üçün gedirəm, ancaq qızıl da, gümüş də, bürünc də bacı-qardaşdı. Oğlumun qismətinə bürünc düşdü. Buna da şükürlər olsun. Ən əsası odur ki, oğlum medalsız qayıtmayacaq.Mənim üçün Rəsul həmişə çempiondur və çempion kimi də qalacaq. İnanırıq ki, Rəsul bundan sonrakı yarışlarda daha böyük uğurlara imza atacaq. Biz ondan qələbələr gözləyirik”.A.Çunayeva oğlunun oyununu izləyərkən yüksək təzyiqdən halının pisləşdiyini deyib: “Rəsulun bütün yarışlarında həyəcan keçirirəm. Dünən də təzyiqim qalxıdı. Kubalı ilə görüş mənim üçün çox ağır keçdi. Həyəcandan özümü itirdim, halım pisləşdi.Gördüm ki, kubalı iki xal qazandı, titrəməyə başladım. Bacım mənə dərman verdi, ondan sonra özümə gəldim.
