Heyət bəllidir: İrəlidə Əfran, Rauf, Vaqif olacaq (HEYƏT)
İDMAN
16:27 06.09.2011
1607
Futbol üzrə yığma komandamızın baş məşqçisi Berti Foqts AÇ-2012-nin seçmə mərhələsinin bu gün keçiriləcək Qazaxıstanla ev oyunu üçün start heyətini müəyyənləşdirib. Almaniyalı mütəxəssis sentyabrın 2-də keçirilən Belçika ilə oyunla müqayisədə iki dəyişikliyə əl atıb. Belə ki, millimizin çalışdırıcısı ötən oyunda heç də inamlı təsir bağışlamayan Ruslan Abışovun əvəzində bu dəfə Rahid Əmirquliyevi ilk dəqiqələrdən oynatmağa qərar verib. Digər dəyişiklik isə məcburidir. Çünki Belçika ilə görüşdə sarı vərəqə almaqla cəzalı vəziyyətə düşən Elnur Allahverdiyev bu gün komandamıza kömək edə bilməyəcək. Almaniyalı mütəxəssis onu Ufuk Budaqla əvəzləyib. Beləliklə, yığmamız Qazaxıstanla oyuna aşağıdakı start heyəti ilə çıxacaq: Kamran Ağayev, Mahir Şükürov, Rəşad Sadıqov, Vurğun Hüseynov, Ufuk Budaq, Aqil Nəbiyev, Aleksandr Çertoqanov, Rahid Əmirquliyev, Əfran İsmayılov, Vaqif Cavadov, Rauf Əliyev.
