Fərdi qaydada və karantin rejiminin tələblərinə uyğun keçirilən onlayn qəbulda vətəndaşların müraciəti, onların qayğı və problemləri dinlənilib.
AZXEBER.COM xəbər verir ki, müraciətlərin əsas məzmunu işlə təmin olunma, torpaq sahəsi əldə edilməsi və sair məsələlərlə bağlı olub.
Dinlənilmiş bütün vətəndaş müraciətləri qeydiyyata alınaraq nəzarətə götürülmüşdür. Qəbul zamanı bir neçə vətəndaşa müvafiq izahat verilib, bəzi qaldırılan məsələlərin həlli aidiyyəti qurum və təşkilat rəhbərlərinə tapşırılıb və onların həlli nəzarətə götürülüb.
Qəbula gələnlər onların müraciətlərinin dinlənilməsindən məmnunluqlarını ifadə edərək xalqımızın tarixi bir günü yaşadıqlarını qeyd ediblər. Bildiriblər ki, hər biri bu tarixi qələbədən qürur duyur. Bu tarixi günü, bu qüruru bizə Müzəffər Ali Baş Komandanımızın rəhbərliyi ilə ordumuz bəxş etdiyini deyiblər.
Qəbula gələn vətəndaşlara bir daha karantin rejiminin qaydalarına riayət olunmasının əhəmiyyəti çatdırılıb. Həmçinin Bakı Tekstil Fabrikinin təşəbbüsü ilə sakinlərə dəst olaraq, tibbi spirt, maska və əlcək paylanılıb.
