İctimai Televiziyanın çəkiliş qrupu ağır qəzaya uğradı

İctimai televiziyanın çəkiliş qrupu ağır yol qəzasına düşüb. AZXEBER.COM-un «Trend»ə istinadən bildirir ki, "Qanundan kənar" verilişinin əməkdaşları Abşeron rayonunda baş vermiş qətl ilə bağlı çəkilişdən dönərkən Masazır körpüsündə qəzaya uğrayıblar. Bu barədə verilişin rəhbəri Pərviz Əbübəkirov məlumat verib. Onun sözlərinə görə, İctimai Televiziyaya məxsus avtomobil onların maşının ötmək istəyən avtomobillə toqquşub. Nəticə İTV-nin maşını yoldan çıxıb.  Hadisə zamanı müxbir Azər İsrafilovun qabırğası sınıb, operator Zamiq Aslanov isə müxtəlif bədən xəsarətləri alıb. Yaralılar Kliniki Tibbi Mərkəzə yerləşdirilib.