Cəlilabad rayon Göytəpə qəsəbəsinə yaşayan 32 yaşlı Rövşən Dadaşov 2 ildən yuxarıdır ki, böyrək çatışmazlığından əziyyət çəkir.
Qaynar.info-nun məlumatına görə, Rövşənin atası keçmiş hərbiçi olsa da, ounun çəkisi və boyu hərbi xidmət üçün tələb olunan ölçüdən aşağı olduğundan orduda olmayıb. Onda mövcud xəstəlik isə 2 il əvvəl yaranıb.
Xəstəliyin ilkin mərhələsində Müxtəlif paytaxt klinikalarda müalicə olunsa da, böyrəklərində olan xəstəlik daha da şiddətli səviyyəyə yüksəlib. Hazırda onun hər iki böyrəkləri demək olar ki, öz funksyasını itirib. Rövşənin indi həyatda qalması xəstəxanada olan dializ aparatlartından aslıdır. Halı tez-tez pisləşən Rövşənin 3 və 5 yaşlı övladları xəstəliyi dərk etməsələr də, atalarının çəkdiyi ağrı-acını elə olar da onunla birlikdə çəkirlər.
Hazırda isə Rövşən bu xəstəliyin pəncəsindən yalnız böyrək köçürülməsi yolu ilə xilas ola bilər. Həkimlər onu həyat yoldaşının böyrəyinin donor kimi uyğun gəldiyini bildirsələr də, əməliyyat xərcləri yüksək olduğundan ailə bunu reallaşdıra bilmir.
Rövşən hazırda 1 qurup əliliyə görə aldığı məvacibin hamısını dərmanlara xərcləyir. Əməliyyatı üçün isə ona 30 min manat pul lazımdır. İki azyaşlı övladlarının belə qorxulu kabusuna çevrilən xəstəlikdən Rövşənin xilas olunmsı üçün ailəyə yardımsevər insanların köməyi lazımdır.
