Türkiyə mətbuatı prezident seçildikdən sonra ilk xarici səfərini Azərbaycana edən Rəcəb Tayyib Ərdoğanın rəsmi qarşılanma mərasiminə xüsusi diqqət ayırıb.
Türk mətbuatının ən çox diqqət yetirdiyi məsələ Ərdoğanın Azərbaycan Prezidenti İlham Əliyev tərəfindən ilk dəfə olaraq rəsmi iqamətgahda qarşılanması olub.
“Məlumata görə, Əliyev bundan əvvəl heç bir prezidenti Gənclik Sarayında qarşılamamışdı. Ərdoğan üçün ilk dəfə bu saraydan istifadə olundu. Əliyev Ərdoğanı sarayın girişində qarşıladı. İki ölkənin himnləri səsləndirildi”, - türk mətbuatı yazıb. (axar.az)
