İlham Əliyev: "Türkdilli ölkələrdən yük daşımaları artıb"

SİYASƏT
17:16 10.04.2020
1166
"Türkdilli ölkələrin iqtisadiyyatı, ticarət münasibətləri və idxal-ixrac əməliyyatları üçün nəqliyyat daşımaları mühüm əhəmiyyətə malikdir".

Bunu Prezident İlham Əliyev onun təşəbbüsü ilə keçirilən Türk Şurasının videokonfrans vasitəsilə fövqəladə zirvə görüşündə bildirib. 

"Azərbaycan Türkiyə və Mərkəzi Asiya arasında etibarlı tranzit-logistika mərkəzi kimi öz roluna məsuliyyətlə yanaşaraq, tranzit yüklərin daşınması üçün əlavə tədbirlər görüb. Qarşılıqlı anlaşma və əlaqələndirmə şəraitində ölkələrimiz arasında beynəlxalq yükdaşımaları fasiləsiz olaraq həyata keçirilir. Pandemiyanın mənfi təsirlərinə baxmayaraq, 2020-ci ilin ilk 3 ayı ərzində türkdilli ölkələrdən 180 min tondan artıq yük Azərbaycan vasitəsilə daşınıb ki, bu da ötən ilin eyni dövrü ilə müqayisədə 40 min ton çoxdur", - deyə o, qeyd edib. 
 
///Report

OXŞAR XƏBƏRLƏR