Azərbaycanda köhnə binaların mərkəzləşdirilmiş qaydada istiliklə təmin edilməsində çox ciddi problemlər və çətinliklər var.
Bunu "Azəristiliktəchizat” ASC-nin sədri İlham Mirzəliyev Milli Məclisin Təbii ehtiyatlar, energetika və ekologiya komitəsinin iclasında - "İstilik təchizatı haqqında" qanun layihəsi ilə bağlı ictimai dinləmədə bildirib.
"Ola bilsin ki, bizim reputasiyamıza mənfi təsir edən amillərdən biri həmin binaların idarə edilməsindəki çatışmazlıqlardır. Binaların elektrik enerjisi ilə bağlı tələblərin heç birinə cavab verməməsi, mənzil mülkiyyətçiləri birliyinin formalaşmaması, ümumilikdə binanın idarə edilməsi ilə bağlı məsələlərdir. "Azəristiliktəchizat" olaraq biz məcburiyyət qarşısında bu binalara xidmət etməklə müəyyən əlavə xərclərə yol veririk. Təbii ki, bu da öz təsirini göstərir", - deyə o qeyd edib.
