"4 qat Azərbaycan çempionuyam, birbaşa mərkəzdən vururam”
AZXEBER.COM xəbər verir ki, ARB TV-nin "Səhər-Səhər” verlişində "Plastik əməliyyatın qurbanları” adlı mövzu müzakirə olunub.
Mövzu ilə bağlı "Səhər-Səhər” verlişinə müsahibə verən Elit Star Cəmilə səhvlik edən həkimin səhvini bir başkasına düzətdirdiyini deyib:
"İlk dəfə Merlin Manronu mən canlandırmışam. İlk dəfə, 2001-ci ildə yubkanı qaldırmağı və saç düzümünü mən etmişəm. Həqiqətən bədən ölçülərim 60-90-60-dır. Uzaqbaşı indi 62-63 ola bilər. Hər zaman fiquramı saxlayıram. Həkimlərin birinə gedirəm səhv edir, gedirəm o biri onun səhvini düzəldir. Öz dodağıma, öz simama qayıtdım. Məni doğurdan pis etmişdilər”.
Eyni zamanda müğənni başqalarının fikrinin onun üçün önəmli olmadığını deyib:
"Öz fikrim, öz stilim, öz danışığım var. Mən özüm bilərəm nəyi necə, harada edirəm. 88-90 % bütün qlobusu gəzmişəm. Azərbaycan, rus, inglis dilini bilirəm. Hələ gəlin mənim səviyəmə çatın, sonra danışarsız. Komputer arxasında oturanların bəziləri qozbeldi, bəziləri o qədər eybəcərdir ki... İnsan küçədə görsə qorxar. Oturub şərh yazırlar... 4 qat Azərbaycan çempionuyam. Qaçış, üzgüçülük, at çapmaq, dağa dırmanmaq, güllə atmaq. Birbaşa mərkəzdən vururam...”
