Çin hökuməti ilə əlaqəsi olan qrupların Rusiya şirkətlərini və dövlət qurumlarını hədəf aldıqları iddia edilir.
AZXEBER.COM xarici mətbuata istinadən xəbər verir ki, The New York Times qəzetinə danışan kibertəhlükəsizlik mütəxəssisləri Çinin Rusiyanı kiberməkanda hədəf alması ilə bağlı iddialar səsləndiriblər.
Sözügedən iddialar arasında Çin hökuməti ilə əlaqəsi olan qrupların 2022-ci ildə başlayan Rusiya-Ukrayna müharibəsindən sonra "hərbi məlumatlara” daxil olmaq üçün Rusiya şirkətlərini və dövlət qurumlarına "kiber hücum” ifadəsi yer alıb.
2022-ci ilin may ayında artan sözügedən hücumların aramsız olaraq davam etdiyini iddia edən ekspertlər bunun iki ölkə liderləri arasında münasibətlərin "müsbət” olduğu bir vaxtda baş verdiyinə diqqət çəkib.
Mütəxəssislər bu vəziyyəti Çinin iki ölkə arasında tərəfdaşlığa baxmayaraq, Rusiyaya "həssas hədəf” kimi baxması anlamına gəldiyini qiymətləndiriblər.
Gülay
