İngiltərədə son günlər davam edən yüksək temperatur, quraqlıq və meşə yanğınları təhlükəsi ilə əlaqədar fövqəladə toplantı keçirilib.
AZXEBER.COM xəbər xarici mətbuata istinadən xəbər verir ki, Toplantıdan sonra Mançester meri Endi Börnham mağazaları birdəfəlik manqalların satışını müvəqqəti dayandırmağa çağırıb. O bildirib ki, uzunmüddətli perspektivdə yay aylarında bu məhsulların satışının qadağan edilməsi də nəzərdən keçirilə bilər.
İngiltərə Meteorologiya Xidmətinin məlumatına görə, ölkənin bəzi bölgələrində temperaturun 38 dərəcəyə çatacağı gözlənilir. Bu göstəricinin qeydə alınması cari yay mövsümünün ən yüksək temperaturu ola bilər.
Mütəxəssislər quraqlıq və yüksək temperatur fonunda birdəfəlik manqalların nəzarətsiz istifadəsinin yanğın riskini artırdığı barədə xəbərdarlıq edirlər.
Gülay
