Bu gün intihar edən gənc müğənni Elvin Ordubadlı bir müddət əvvəl ATV kanalının “Düzünü Desək” verlişində qonaq olub.Müğənni çıxışı zamanı həyatı ilə bağlı bəzi məqamlara aydınlıq gətirib. O atasız böyüdüyünü və heç vaxt uşaqlarına bunu qiymayacağını bildirib: “Atam anamdan ayrılanda 1 yaşım var idi. Anam mənə həm ata olub, həm ana. Atamın yoxluğunu mənə hiss etdirməyib. Məktəb vaxtı mənə yetim- yetim deyəndə pis olurdum. Atam haqqında danışanda ona nifrətim daha da artır. Anamı heç vaxt kövrəltmək istəməmişəm, imkanımız o vaxtı elə də yox idi, ürəyim nəsə istəyəndə anama demirdim çox vaxt. 25 il ata əgər övladını axtarmayıbsa demək günah atada olub. Amma nə qədər də olsa övlad şirin şeydir, gərək axtarasan. İndiki dövrdə ata ilə ananın günahlarını övladları çəkir. 2 il bundan qabaq atamı gördüm, mən ona çox oxşuyuram. Sizə dediklərimi ona da dedim. Atamı heç vaxt bağışlamaram . 25 ildən sonra mənə ata lazım deyil. Ata övladı üçün əziyyət çəkməlidir. Əgər 15 il mənə baxıb sonra getsəydi deyərdim bəlkə problemi olub”.Müğənni övladlarını atasız qoymaq istəmədiyini dilə gətirib:“18 yaşında ailə qurdum, indi 2 övladım var. Peşman da deyiləm . Çox gözəl ailə həyatım var. Mən heç vaxt uşaqlarımı tək qoymaq istəmərəm. Nə münaqişə, problem olursa olsun mən ailəmi heç vaxt atmaram. Atama demək istəyirəm ki, o məni atdığı kimi mən heç vaxt uşaqlarımı atmaram”. (aznews.az)
