Mədəniyyət Nazirliyinin mətbuat katibi işdən çıxdı

MƏDƏNİYYƏT
11:11 12.08.2020
801
Mədəniyyət Nazirliyinin mətbuat katibi İntiqam Hümbətov vəzifəsindən azad olunub.

AZXEBER.COM-un verdiyi xəbərə görə, bu barədə Hümbətov öz feysbuk hesabında məlumat verib. O bildirib ki, bu gündən etibarən Mədəniyyət Nazirliyinin İnformasiya və ictimaiyyətlə əlaqələr şöbəsinin müdiri vəzifəsində fəaliyyətini başa vurur.

Qeyd edək ki, İ. Hümbətov 20 il ərzində nazirlikdə müxtəlif vəzifələrdə çalışıb.

Xatırladaq ki, bir neçə ay əvvəl Dövlət Təhlükəsizlik Xidmətinin Mədəniyyət Nazirliyində keçirdiyi əməliyyat zamanı külli miqdarda yeyinti və rüşvət alma faktları aşkarlanıb. Nazir müavini Rafiq Bayramov və Mədəniyyət Nazirliyi yanında Mədəni İrsin Qorunması Dövlət Xidmətinin rəisi Zakir Sultanov həbs edilib. Nazir Əbülfəs Qarayev isə Prezidentin sərəncamı ilə vəzifəsindən azad edilib.

OXŞAR XƏBƏRLƏR

X Mostbet