"İstər bölgədə, istər dünyada, istərsə də Azərbaycandan mövcud vəziyyət insanların hərəkətinə məhdudiyyəti nəzərdə tutur. Malların, məhsulların hərəkətinə heç bir məhdudiyyət tətbiq edilmir”.
AZXEBER.COM xəbər verir ki, bu sözləri İqtisadiyyat naziri Mikayıl Cabbarov deyib.
Onun sözlərinə görə, buna əyani misal olaraq qonşu İran İslam Respublikası ilə münasibətləri göstərmək olar: "Bilirsiniz ki, artıq iki həftəyə yaxındır ki, Nazirlər Kabineti yanında operativ qərargahın və hökumətin qərarına əsasən, İran vətəndaşlarının ölkəmizə girişinə məhdudiyyət qoyulub. Amma malların, məhsulların idxalına və tranzitinə heç bir məhdudiyyət tətbiq edilməyib”.
