İran Sliahlı Qüvvələri cümə günü Hörmüz boğazı və Hind okeanının şimal hissəsində altı günlük hərbi təlimlərə başlayacaq.AZXEBER.COM-un İTAR-TASS-a istinadən verdiyi məlumata görə, bunu İranın Hərbi Dəniz Qüvvələrinin koomandanı vitse-admiral Həbibulla Səyyari deyib. Onun sözlərinə görə, təlimlərin keçiriləcəyi ərazi 1 milyon kvadrat kilometr təşkil edəcək.“Vəlayət-91” adlanan təlimlər zamanı yeni silah növləri sınaqdan keçiriləcək, eləcə də, yeni taktikaya nəzər salınacaq.“Təbii ki, biz qonşu ölkələrin dəniz sərhədlərinə hörmətlə yanaşacaq, təlimləri beynəlxalq qanun və qaydalara uyğun keçirəcəyik”, - Səyyari bildirib.
