İranın İmam Xomeyni aeroportu yaxınlığında qəzaya uğrayan təyyarənin bütün sərnişinləri həlak olub.
AZXEBER.COM Trend-ə istinadən bildirir ki, bunu İranın Qırmızı Aypara Cəmiyyətinin Yardım və Xilasetmə Təşkilatının sədri Murtaza Səlimi IRINN-ə verdiyi açıqlamada deyib.
M.Səliminin sözlərinə görə, sərnişinlərin meyitləri toplanmaqdadır.
Qeyd edək ki, Ukraynaya məxsus "Boeing 737" sərnişin təyyarəsi İranın İmam Xomeyni aeroportu yaxınlığında qəzaya uğrayıb. Təyyarənin göyərtəsində 167 sərnişin, 9 ekipaj üzvü olub.
Bildirilir ki, qəzaya səbəb texniki nasazlıq olub. Təyyarə havaya qalxdıqdan bir qədər sonra qəzaya uğrayıb.
----------
07:49
Ukraynaya məxsus sərnişin təyyarəsi İranın İmam Xomeyni adına beynəlxalq hava limanı yaxınlığında qəzaya uğrayıb.
AZXEBER.COM Trend-ə istinadən verdiyi məlumata görə, qəzanı hava limanının rəhbəri təsdiq edib. Təyyarənin göyərtəsində 180 sərnişin olub.
Bildirilir ki, qəzaya səbəb texniki nasazlıq olub. Təyyarə havaya qaldıqdan bir qədər sonra qəzaya uğrayıb.
