Yüksək vəzifəli iranlı ayətullah Lütfulla Səfi-Gülpayqani öz həmvətənlərini Facebook sosial şəbəkəsindən istifadə etməkdən çəkinməyə çağırıb. Onun dediyinə görə, sosial şəbəkənin məzmunu islam normalarına ziddir. AZXEBER.COM-un məlumatına görə, bu barədə İSNA agentliyi xəbər verir.
"Əxlaqazidd davranışları təbliğ edən və etiqadı sarsıdan istənilən sayta daxil olma islam normalarına ziddir və qadağandır, ona görə də belə cəmiyyətlərdə iştirak günahdır", - ayətullah Səfi-Gülpayqani bəyan edib.
Onun sözlərinə görə, yalnız əxlaq qaydalarına zidd hərəkətlərə meyilli olmayan dini məzmunlu saytlara daxil olmağa icazə verilir.
Qeyd edək ki, İranda dünyanın ən məşhur saytlarına girişə qadağa qoyulub.
