Ermənistanın paytaxtı İrəvanda keçirilən gənclər arasında boks üzrə dünya çempionatında yarımfinal görüşləri keçirilib. AZXEBER.COM-un məlumatına görə, Azərbaycan təmsilçisi Pərviz Bağırov (64 kq) qvatemalalı Lester Normandi Martines Tutla üz-üzə gəlib.İlk raund Tutun 3:1 hesablı üstünlüyü ilə yekunlaşıb. İkinci raundda Bağırov 5:5 hesablı heç-heçəyə nail olsa da, son raundda məğlubiyyətdən yaxa qurtara bilməyib – 3:5. Ümumi nəticədə 9:13 hesabı ilə uduzan boksçumuz bürünc medalla kifayətlənib.Beləliklə, Azərbaycan millisi dünya çempionatını 1 medalla başa vurub. Pərviz Bağırov dekabrın 7-də 64 kq çəki dərəcəsində final görüşləri də keçirildikdən sonra fəxri kürsüyə qalxacaq və onun şərəfinə düşmən ölkədə Azərbaycan bayrağı yüksəldiləcək.
