Son istifadə tarixi keçdikdən sonra qətiyyən yeməməyiniz məsləhət görülən ən təhlükəli 6 qida kateqoriyasını açıqlanıb. Hətta məhsul normal görünürsə, xoş qoxu gəlirsə və pulunuza heyfiniz gəlirsə belə, onları dərhal atın.
AZXEBER.COM xarici mediaya istinadla həmin məhsullar barədə xəbər verir.
1. Çiy ət
Son istifadə tarixi keçdikdən sonra çiy ət, toyuq, mal və ya donuz əti yemək üçün qətiyyən yararsızdır. Bu cür məhsullarda çox sürətlə təhlükəli bakteriyalar, xüsusilə salmonella və E.coli çoxalır və ciddi qida zəhərlənməsinə səbəb ola bilər.
Məsləhət: Əti soyuducuda maksimum 1-2 gün saxlayın, tarixi keçməsə belə. Bişirməyi düşünmürsünüzsə, dərhal dondurun.
2. Balıq və dəniz məhsulları
Təzə balıq çox tez xarab olur. Bir neçə saat içində belə risk artır. Balığı alış günündə və ya ən gec 48 saat sonra istifadə etmək lazımdır. Daha sonra parçalanma prosesi başlayır, bəzən bunu görmək olmur, amma çox təhlükəlidir.
3. Kolbasa və dilimlənmiş ət məhsulları
Hazır dilimlənmiş ət məhsulları vaxtı keçdikdən sonra Listeria bakteriyasına görə çox təhlükəlidir. Bu bakteriya hətta soyuducu temperaturunda belə çoxalır.
4. Hazır qablaşdırılmış salatlar
Görünüşləri normal olsa belə, qablaşdırılmış salatlar və hazır qarışıq yarpaqlar bakteriyalar üçün mükəmməl yerdir. Hər keçən gün mikroblar artır.
Məsləhət: Salatları hermetik qabda saxlayın və açdığınız tarixi qeyd edin.
5. Pastərizə olunmamış və yumşaq pendirlər
Bri, feta, kamamber, rikotta kimi yumşaq və pastərizə edilməmiş pendirlər son tarixdən sonra xüsusilə təhlükəlidir. Onlarda listeriya və digər mikroorqanizmlər sürətlə çoxalır.
Məsləhət: Kiçik porsiyalar alın və mümkün olan ən soyuq yerdə saxlayın. Xam ətin yanında yox.
6. Göbələk
Göbələkdə təhlükə təkcə mədə pozuntusu deyil. Xarab olmuş göbələklərdə toksinlər və hətta botulizm sporları ola bilər.
Əlamətlər: sürüşkənlik, qaralma, kəskin qoxu.
Məsləhət: Göbələyi salfetli kağız paketdə saxlayın. Belə o daha uzun müddət təzə qalır.
///lent.az
