İsveç xarici işlər naziri Maria Malmer Stenergard İsveçin yardımlarının Qəzzada ehtiyacı olanlara çatmamasından məyus olduğunu ifadə edərək, İsrailin bu üsuldan istifadə etməsinin müharibə cinayəti olduğunu bildirib.
AZXEBER.COM xarici mətbuata istinadən xəbər verir ki, Stenergard paytaxt Stokholmda keçirdiyi mətbuat konfransında İsveçin Qəzzaya humanitar yardımını ikiqat artırdığını qeyd edib.
Stenergard, İsrailin yardımların Qəzzaya çatmasına mane olmasından məyus olduqlarını ifadə edərək, "Əhəmiyyətli olan qida, dərman və suyun mülki əhaliyə çatmasıdır. Bunun qarşısını almaq və mübarizə üsulu olaraq istifadə etmək müharibə cinayətidir" deyə sözünə davam edib.
İsveç hökumətinin Avropa Birliyini (AB) İsrail hökumətindəki bəzi ekstremist nazirlərə qarşı sanksiya tətbiq etməyə çağırdığını xatırladan Stenergard sözlərini belə davam etdirib:
"Biz Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaja Kallasa İsrail hökumətindəki bəzi ekstremist nazirlərə qarşı sanksiyalar tətbiq etmək üçün məktub göndərmişik”.
Qəzzada əzab çəkən uşaqların dəhşətli görüntülərini gördüklərini və bundan inanılmaz məyus olduqlarını ifadə edən Stenergard, "İsveç qeyri-qanuni məskunlaşma siyasətini davam etdirən və gələcək iki dövlətli həllə fəal şəkildə qarşı çıxan ekstremist nazirlərə qarşı AB sanksiyaları tətbiq etməyə davam edəcək" deyə bildirib.
Gülay
