İtaliyanın cənubundakı aktiv vulkanlardan biri olan Etna gecə saatlarında püskürüb.
AZXEBER.COM xarici mətbuata istinadən xəbər verir ki, Etna dağının cənub-şərq kraterində dünən axşam saatlarında 2900 metr yüksəklikdə başlayan və gecə saatlarında intensivləşən kül və lava püskürmə fəaliyyəti bu gün səhər saatlarına qədər davam edib.
Cənub-şərq kraterindən sızan maqma vulkanın yamacından cənub-şərq istiqamətində intensiv lava axınına səbəb olub.
İtaliya Milli Geofizika və Vulkanologiya İnstitutunun (INGV) Kataniya şöbəsi də vulkanda kül və lava atma fəaliyyətlərinin səhər saatlarında başa çatdığını təsdiqləyib.
Mətbuatda yer alan xəbərə görə, Etnanın səpdiyi kül yaxınlıqdakı yaşayış məntəqələrinə, xüsusən də Zafferana Etnea qəsəbəsinə düşüb, kül buludu şərq və cənub-şərqə dağılıb.
Gülay
