"Jurnalistlər Sülh və İnkişaf Uğrunda" İctimai Birliyi, jurnalistlərin vahid həmkarlar təşkilatı ətrafında birləşməsini vacib sayır.
Bu barədə AZXEBER.COM-a açıqlamsında qurumun rəhbəri Mətləb Salahov deyib ki, bu məsələnin həllini tapması indi əvvəlki dövrlərdən daha aktualdır: "Əslində, buna ən azı 10 il bundan əvvəl başlamaq lazım idi. Yaradılacaq həmkarlar qurumu, qətiyyən formal xarakter daşımamalıdır. Çünki bura toplaşacaq media təmsilçiləri, ilk növbədə öz sosial problemlərinin həlli üçün yollar axtaracaqlar. Burda boş vədlər verərək baş girləmək mümkün olmayacaq. Elə bir həmkarlar sistemi yaratmaq lazımdır ki, o mediya əhlinin sosial müdafiəsi ilə bağlı bütün mümkün işləri reallaşdıra bilsin, qələm əhlinin sığorta-pensiya sisteminin nizama salınmasından tutmuş, jurnalistikanın cəmiyyətdə özfəaliyyət dərnəyi kimi deyil, əsl ciddi bir sənət kimi kök salmasına, burda çalışan insanların gələcəkdə sosial müdafiəsinə kömək etmiş olsun. Jurnalistlərin acınacaqlı sosial durumuna "dur" demək üçün bu olduqca vacib prosesdir"-deyə M.Salahov fikrini tamamlayıb.
