“KamAZ” dərsdən qayıdan 6 yaşlı oğlanın üstündən keçdi
Bütün Xəbərlər
12:05 23.09.2011
1430
Sentyabrın 22-də Bakıda dəhşətli yol nəqliyyat hadisəsi baş verib. Binəqədi rayon Polis İdarəsindən Lent.az-a verilən məlumata görə, Binəqədi-Biləcəri yolunda Hacıqabul rayon sakini, 1954-cü il təvəllüdlü Əliyev Əbülfəz Əliyar oğlu idarə etdiyi 10 GH 709 nömrə nişanlı “KamAZ”la yolu keçməyə çalışan piyada, 2005-ci il təvəllüdlü Xudiyev Sahib Loğman oğlunu vurub. Məlumata görə, hadisə saat 18.00 radələrində qeydə alınıb. Məktəbdən qayıdan azyaşlı yaşadığı evin yaxınlığında yolu keçməyə çalışıb. Lakin bu zaman sürətlə gələn yük maşının altında qalıb. 1-ci sinif şagirdi hadisə yerində keçinib.
