"Mən çətin zamanlarında ona əlimdən gələn köməyi etdim. Elə bil ən əziz adamımı itirmişəm. Bütün haqqım onun halal xoşu olsun".
Bu sözləri müğənni Nazənin Salayeva AZXEBER.COM-a meyxanaçı Elnur Valehin vəfatı ilə bağlı açıqlamasında deyib.
Xaricdə olduğunu və dəfndə iştirak edə bilmədiyini bildirən sənətçi göz yaşları içində Elnuru xatırlayıb:
"Hazırda ölkədə deyiləm, dəfnə gedə bilmirəm. Bu mənim üçün çox ağırdır. Elə bil bir doğmamı, ən əziz adamımı itirmişəm. Elnur mənə çox doğma insan idi. O qədər mədəni, təmiz, alicənab insan idi ki, heyif ondan. Çox tərk etdi bizi. Gözəl qəlbli insan, şair, bəstəkar idi. Əlimdən heçnə gəlmir indi, çox uzaqdayam. Mütamadi olaraq rayondakı tanışlarla əlaqə saxlayıram, ailəsi ilə danışıram. Əlim heç yerə çatmır. Onun ən çətin zamanlarında hömkarlarından kim ona dəstək olub, ya olmayıb bilmirəm, amma mən ona əlimdən gələn köməkliyi etmişəm. Hər şey ona halal olsun. İnsan elədiyini deməz. Hər dəfə istəyib mənim adımı açıqlasın, mən istəməmişəm. Gedib dəfninə çatsaydım özümü sakitləşdirərdim, kaş onla vidalaşa biləydim. Onu da edə bilmədim. Bir qız övladı qaldı ondan yadigar. Allah onun balasına gözəl günlər nəsib eləsin".
Xatırladaq ki, meyxanaçı Elnur Valeh 6 ildir şəkərli diabet, xroniki böyrək çatışmazlığından əziyyət çəkir, dializ müalicəsi alırdı. O bir neçə gün öncə toydan çıxarkən halı pisləşmiş və komaya düşmüşdü. Musiqiçi gecə saatlarında vəfat edib.
Aysel Hacızadə
