Meyxanaçı Orxan Lökbatanlı həmkarlarını əsəbiləşdirəcək açıqlamalar verib.
AZXEBER.COM xəbər verir ki, o, indiki meyxananın bərbad halda olduğunu deyib.
MTV Azərbaycan kanalında yayımlanan "Tarixin bir günü" verilişində qonaq olan Lökbatanlı narazılıq edib:
"Hal-hazırda meyxana tamamən bərbad vəziyyətdədir. Biz belə deyildik. Böyük görəndə ayağa qalxardıq. Sevinərdik ki, onlar bizə başı ilə salam verirlər. Bu gün mən heç toylara getmək istəmirəm. Oğlum boyda uşaqlar qabağımızda bir-birinə çəngəl bıçaq atır ki, tiktoka düşsün. Bu biabırçılıqdır. Bunlar itirirlər, qazanmırlar".
Daha sonra Orxan, meyxanaçı Kərimlə bağlı xatirəsini danışıb:
"18 yaşım var idi. Kərim Lökbatana toya qonaq gəlmişdi. Məni orda uşaqlar məcbur etdilər ki, onlarla meyxana deyim. İki bənd dedim. Kərim bəyəndi mənim meyxanamı alqışladı. Səhər Lökbatabnda hara getsəm hamı deyirdi ki, "Şair gəl burda əyləş". Belə dəstək olmaq lazımdır. Birinci gərək insanlığın olsun, yoxsa heçnə əldə edə bilməyəcəksən".
Aysel
