Şimali Kipr Türk Respublikasında fəaliyyət göstərən Kıbrıs Aydın Universiteti Azərbaycanlı tələbələr üçün xüsusi olaraq hazırladığı "Azərbaycan Dostluq Təqaüdü” proqramını elan edib. Editor.az xəbər verir ki, proqram çərçivəsində gənclərə yüksək keyfiyyətli təhsili daha əlçatan qiymətlərlə almaq imkanı yaradılır. Təqaüd çərçivəsində bakalavr, magistratura və doktorantura səviyyələrində oxumaq istəyən tələbələrə 50%-dən 90%-dək maliyyə dəstəyi təqdim olunur.
Təqaüd imkanları
Proqrama əsasən:
Bakalavr : 90% təqaüd imkanı
Magistratura: 70% təqaüd imkanı
Doktorantura: 50% təqaüd imkanı nəzərdə tutulub.
Bununla yanaşı, universitet bütün tələbələr üçün iki nəfərlik yataqxana otaqları təmin edir.
Universitetin üstünlükləri
Kıbrıs Aydın Universiteti yalnız təhsil xərclərində güzəştlə kifayətlənmir, həm də tələbələrə geniş imkanlar təqdim edir:
Beynəlxalq Tanınma və Akkreditasiya: Universitetin diplomları qlobal səviyyədə etibarlı və tanınır.
Müasir Tədris Mühiti: Auditoriyalar, laboratoriyalar və rəqəmsal infrastruktur ən yeni texnologiyalarla təchiz olunub.
Təhlükəsiz və Mədəniyyətcə Zəngin Kampus: Müxtəlif ölkələrdən gələn tələbələrin bir arada oxuduğu, mədəni müxtəlifliyin gücləndirdiyi təhlükəsiz mühit mövcuddur.
Karyera və İnnovasiya Dəstəyi: Universitet daxilində tələbələrin akademik inkişafı ilə yanaşı, sahibkarlıq və karyera hədəflərinə çatmaları üçün xüsusi mərkəzlər və məsləhət xidmətləri fəaliyyət göstərir.
Azərbaycanlı Tələbələr üçün Xüsusi Ofis: Azərbaycanlı gənclərin təhsil, sosial və mədəni həyatına dəstək göstərmək məqsədilə universitetdə ayrıca dəstək ofisi yaradılıb.
Kıbrıs Aydın Universiteti Azərbaycanlı gəncləri beynəlxalq akkreditasiyalı, müasir və innovativ mühitdə təhsil almağa dəvət edir. Universitetin açıqlamasında qeyd olunur ki, "Azərbaycan Dostluq Təqaüdü” sayəsində tələbələr yalnız təhsil deyil, eyni zamanda elmi araşdırma, innovasiya və karyera inkişafı imkanlarını da əldə edəcəklər.
Bu proqram Azərbaycanlı gənclərin gələcəyini etibarlı təminat altına alaraq, onların dünya standartlarına uyğun təhsil mühitinə inteqrasiyasına geniş şərait yaradır.
Universitetə qəbul üçün həm Kıbrıs Aydın Universitetinə birbaşa, həm də "EduTime” Təhsil və İnkişaf Mərkəzi vasitəsi ilə müraciət edə bilərsiniz.
Əlaqə: (+994557035464)
