ABŞ Arktikada hərbi mövcudluğunu genişləndirmək niyyətindədir və İslandiya ilə təhlükəsizlik sahəsində əməkdaşlığı dərinləşdirməyi nəzərdən keçirir.
Bu barədə ABŞ dövlət katibi Marko Rubionun İslandiyaya səfərindən sonra "The Wall Street Journal" (WSJ) qəzeti məlumat yayıb.
Nəşrin qeyd etdiyi kimi, ötən ay əldə edilən Qrenlandiya razılaşması ABŞ Prezidenti Donald Trampın adaya nəzarət etmək iddiasını tam təmin etmir, lakin Amerika hərbi mövcudluğunun genişləndirilməsi üçün qapı açıb. Qəzet izah edir ki, bu, Qrenlandiya və Şimali Atlantikada əməliyyatlar üçün aerodromlara, limanlara və müşahidə infrastrukturuna malik İslandiyanın strateji əhəmiyyətini daha da artıra bilər.
Sentyabr ayında Tramp, Danimarka və Qrenlandiyanın baş nazirləri Mette Frederiksen və Jens-Frederik Nilsen, Arktika adasının təhlükəsizlik məsuliyyətlərinin Vaşinqtona ötürülməsi barədə saziş imzaladılar. Saziş BMT Baş Assambleyasının 81-ci sessiyası çərçivəsində imzalandı. Tramp əvvəllər qeyd etmişdi ki, Amerika tərəfi dərhal Arktika adasında hərbi mövcudluğunu artırmağa başlayacaq.
///teleqraf///
